生意難撈

時不時總有設計師朋友網上吐苦水，說甚麼社會不懂設計師之苦、不尊重設計、不願意花錢買設計等，劃幾筆、換隻色、拉大個字有幾難？此與IT人同病相憐，按個掣啫，有幾難？真係生意難撈，生活艱難，家家有本難唸的經。

坦白講，澳門在設計方面頗落後，但並非指創作或設計者唔掂，而是指整個社會思維。之前說過，近十幾年澳門的公共建築十年如一日，好平庸；電視、電台廣告由開台至今，亦幾乎未進化過，多是江湖賣武或者數白欖式，千篇一律。平面設計等只五十步笑一百步。故有内地朋友問起，強生都會臉紅，為甚麼澳門官方的設計、宣傳品總是卡通公仔？

答案可以寫一篇論文，但原因其實也很簡單。澳門人的美學修養未趕得上時代需求，尤其作為最大水喉的政府部門，在甚麼都講求穩陣不犯錯，在價錢、時間及美學之間，「大老細」話事之下，美學、設計永遠排最後，價錢或者「你懂的」潛規則永遠排第一，如此這般又怎能有好東西？市政署新logo就是近年最經典的例子。一個超大部門、一個會用很多年的logo尚且如此，其他文宣設計可想而知。甚麼構圖、配色、字型、主次訊息都是其次，文字當然不能錯，中葡文都要有，夠大就ok，「區旗綠」更加通殺！人在屋簷下，做設計的能不低頭嗎？

強生

（原載於2021年10月2日《澳門日報》姿彩版）