今日你勞咗未？

識人好過識字，出嚟做嘢，最重要搵到個好老闆，辛苦過後，隨時送隻勞力士畀你，諗起都開心。世上男神何其多，但奇洛李維斯就只此一個！

勞力士除加價外，最近又成新聞。事緣奇洛李維斯拍罷電影《John Wick 4》後，送了四隻訂製的Rolex Submariner Date（黑水鬼）給電影特技替身演員，錶背均刻有戲名、人名及Thank you。據報，黑水鬼官價七萬多港元，今年炒價卻已翻倍約十三萬。一張五隻手五隻黑水鬼的相片，不只貴氣逼人，也蘊藏着濃濃的人情味。

唔係奇洛李維斯都可以戴勞力士。澳門確係神奇的地方，有人趕着買平實的UNIQLO，高士德一小段馬路卻連開了幾家名錶店。自從賭權開放後，澳門人荷包膨脹了不少。早幾年開始，樓買不起了，就買名車、名錶。前者尚要愁泊車，後者隨身方便又顯貴，熱潮一發不可收拾，尤以勞力士最吃香。不計高士德那些，還有新馬路的金行及博企綜合度假村內，目標為旅客的專門店。如果世界上有“勞力士擁有率”這個統計，澳門應該名列前茅，經濟唔好都係咁話。