沒有個人照的體育老師

跟一個34年教齡的體育老師做訪問，本應難事。但與花姐（麥蘭花）做訪問卻很順暢，正確來說是〝傾計〞傾到雞啄唔斷。

一來，無論田徑場、手球場、籃球場均能看到其身影，一早與花姐相識。二來，花姐幾十年都在學生身後，看著一代又一代學生成長，亦從未停止從學生身上學習，故每一代學生都能在花姐身上找到集體回憶、共同話題。或許，不老傳說，就是這樣。

然而，訪問容易不代表製作體壇之花特輯輕鬆，相反有難度。其困難在於，製作這類人物訪問片，其一重點是〝話當年〞舊相又無欵最吸睛，偏偏愛好攝影的花姐最缺。咁多年一張半張都無？〝哈哈，你知啦，當年邊有相機，邊有手機，真係好少影架！我返去再搵下啦！〞就這樣拉拉扯扯多次，翻箱倒籠，最後，一張花姐的單人照都無，全是合照、群照！或許，這就是老師的宿命，花姐的鏡頭裡只有學生、運動員、朋友，沒有自己。

至於什麼幕後英雄，在她眼中〝唔係英雄，只係肯付出自己時間去發展呢個項目嘅人。〞至於永恆的配角則〝喺呀，我又覺得唔係一個問題來。個個都爭做主角，邊有後邊果個呢？做乜都好，都要後邊有人先可以接到上來。〞